Emîrü'l-ümerâi'l-kirâm kebîrü'l-küberâi'l-fihâm zü'l-kadr ve'l-ihtirâm sâhibü'l-'izz ve'l-ihtisâm el-muttahasu bi-mezîd-i 'inâyet-i melikü'l-'alâ Sivas Beylerbeyisi olan (bos) Pasa dâme me'âliyehû ve kidvetü'l-kuzzât ve'l-hükkâm ma'denü'l-fazl ve'l-kelâm Budak-özi ve (bos) ve (bos) ve (bos) kadilari zîdehû fazlühümâ tevki'-i refî'-i hümâyûn vâsil olicak ma'lûm olâ ki kidvetü's-sülehâ' ve'l-beyti'l- mekîn Abdülkadir zîdehû salâhahû 'atebe-i sa'âdetime 'arz-i hâl idüb Sivas Sancagi'nda Budak-özi Nâhiyyesi'nde Kalin-saz nâm karyede vaki' Dervis Mehemmed Zâviyyesi'nin bi'l-fi'l berât-i serîfimle mütevellî ve zâviyyedâr olmagla karye-i mezbûrda zâviyye-i merkumenin iki çiftlik yir ile dört kit'a vakf âsiyâbi olmagla zikr olunan iki çiftlik ve dört kit'a vakf âsiyâbi âhardan bir vechile dahl olunmak icâb itmez iken karye-i Kalin-saz el-mezbûre havâss-i hümâyûn mülhakatindan olub ber-vech-i mâlikâne istirâken mutasarrif olan Sungur-oglu Mehmed ve Ahmed karye-i mezbûreyi zabta kanâ'at itmeyüb zikr olunan iki çiftlik yir ile dört kit'a vakf âsiyâblari dahî hâss mülhakati olmak üzere fuzûlî zabta ve zâviyye-i mezbûre vakfina gadr ve harâbina bâdî oldugunu bildirüb defter-i hâkanî mûcibince 'amel olunub hilâf-i defter-i hâkanî mezbûrlarin zâhir olan gadr ve ta'addîleri men' ve def' ve ber-mûcib-i fetvâ-yi serîf icrâ-yi hakk olunmak bâbinda emr-i serîfim birle ve defter-hâne-i 'âmiremde mahfûz olan defter-i icmâl ve mufassala mürâca'at olundukda Budak-özi Nâhiyyesi'ne tâbî' yüz otuz alti nefer re'âya ve iki zemîn ve hâsili tahtinda bennâk ve hinta yekûn ma'a gayrihâ dokuzbin yediyüz seksen dört akçe yazar karye-i Kalin-saz defter-i mufassalda muharrer kalemiyle tahrîr ve defter-i icmâlde mahsûl-i ispençe-i zimmiyân-i sehr ile bir giydirilüb havâss-i hümâyûnum mülhakatindan olub ve yine nâhiyye-i mezbûreye tâbî' otuz nefer cemâ'at-i dervisân der-karye-i Kalin-saz ve tahtinda iki kit'a der-zemîn karye-i mezbûre el-meshûr çiftlik-i Dervis Mehemmed vakf-i zâviyye-i Dervis Mehmed der-karye-i mezbûre vehâsili tahtinda hinta ve sa'ir ve dört kit'a âsiyâb nîm sâle yekûn...
Menü
Sepete Ekle
